FæðubótarefniMataræði

Blóðleysi

Við fengum fyrirspurn frá Hildi um hvaða ráð væru til við blóðleysi. Hún segir:

Ég er að glíma við mikið blóðleysi þessa dagana og þarf með öllu tiltækum ráðum að byggja upp járnbúskapinn. Ég borða ekki, lamba, nauta og svínakjöt. Áttu einhver góð ráð handa mér? Hversu járnríkt er hveitigras?
Bestu kveðjur, Hildur

Mikilvægasta hlutverk járns í líkama okkar er að framleiða blóðrauða, vöðvarauða og að súrefnisbinda rauðu blóðkornin. Það er líka mikilvægt til að styðja við heilbrigt ónæmiskerfi og fyrir orkubúskapinn. Járnskortur orsakast oftast af ónægri inntöku járns en hann getur stafað af öðrum orsökum. Þannig að ef þú jafnar þig ekki fljótt af auka inntöku járns ættir þú að leyta álits sérfræðings.

Þú segist ekki borða rautt kjöt, en það er alls ekki eina sem gefur okkur járn. Við fáum járn úr eggjum og fiski, grænu grænmeti og heilkorni. Einnig fáum við járn úr t.d. möndlum, avacado (lárperu), döðlum, þara (kelp), nýrnabaunum, hirsi, þurrkuðum ávöxtum, hrísgrjónum og sesamfræjum.

Á meðan þú byggir upp járnbúskapinn getur þú tekið inn járn sem bætiefni. Hægt er að fá járn í heilsubúðum í fljótandi formi. Athugaðu bara að kaupa gerlaust járn ef þú ert með gersveppaóþol.

Þú spyrð hvort hveitigras sé járnríkt. Það er það ekki en það getur unnið stórkostlega gegn blóðleysi. Uppbygging blaðgrænunnar mynnir mjög á uppbyggingu blóðrauða. Munurinn er að bindiefnið í blóðrauðanum er járn en í blaðgrænunni er það magnesíum. Með því að drekka hveitigras gætir þú komið jafnvægi á blóðið á nokkrum dögum.

Hildur M. Jónsdóttir

Deildu þessum upplýsingum

Previous post

Eyrnasuð (Tinnitus)

Next post

Áhrif mataræðis á flogaköst

No Comment

Leave a reply

Your email address will not be published. Required fields are marked *