Pistill frá Sollu

Þegar ég var lítil passaði mamma alltaf vel uppá hvað ég borðaði. Hún gaf mér gjarnan söl (föðurættin mín er úr Eyjum), krækiberjasafa, mjólkursýrt grænmeti, fjallagrasasúpu, baunabuff, möndlur, jurtate, krúska (búið til úr heilum höfrum) brokkolí, hundasúru og fíflasalat, sýrðar rauðrófur, rifnar gulrætur, spírur og fleira í þessum dúr.

Henni var mikið í mun að ég fengi minn skammt daglega enda var ég lítið, mjótt og viðkvæmt strá. Ég var með ofnæmi fyrir lýsi og mamma var ekki mikið fyrir að gefa okkur vitamin, fannst við eiga að geta fengið allt úr matnum. Flest af þessum mat var heimaræktað, "heimatínt" eða heimagert. Enda tíðkaðist að fara til berja, tína jurtir og grös, rækta grænmeti, láta spíra o.fl.

B2 vítamín er nauðsynlegt við myndun rauðra blóðkorna og í myndun mótefna líkamans. Það er mikilvægt fyrir frumuöndun, fyrir frumuvöxt og kemur við sögu þegar líkaminn vinnur orku úr fitu, kolvetnum og próteinum.

B2 vítamínið styrkir sjónina og vinnur gegn ýmsum augnkvillum. Það byggir upp vefina í húð, nöglum og hári, auk þess sem það vinnur gegn flösu. Það stuðlar að heilbrigði munnholsins og ýtir undir upptöku járns og B6 vítamíns (pýridoxíns). B2 vítamín er sérlega mikilvægt konum sem eru á pillunni, með barn á brjósti eða barnshafandi.

Það er alltaf að koma betur í ljós að ákveðin efni í "venjulegum" mat og þá sérstaklega mjög elduðum mat geta verið krabbameinsvaldandi. Nýlegar rannsóknir sýna að mikil neysla Acrylamides stóreykur líkur á krabbameini í leghálsi og eggjastokkum hjá konum.

Acrylamide myndast þegar matur er mikið steiktur eða hitaður, þannig að hann brúnast og verður þurr. Ný efnasambönd myndast milli ákveðinna amínósýra og sykra í fæðu við háan hita og orsaka tilurð þessa efnis. Efnið Acrylamide uppgötvaðist fyrst árið 2002.

B1 vítamín örvar blóðrásina, hjálpar til við endurnýjun blóðsins og ýtir undir sýruframleiðslu sem er mikilvæg meltingunni. Vítamínið er sérlega tengt andlegri heilsu og virkjar hugsun og starfsemi heilans. Það ýtir undir vöxt, eðlilega matarlyst, þrótt og námshæfni, auk þess sem það dregur úr flug- og sjóveiki. Það auðveldar meltingu kolvetna, styrkir viðhald og uppbyggingu vöðva, ýtir undir eðlilega starfsemi taugakerfis og efnaskipti tauga. Það getur dregið úr sársauka eftir tannholdsuppskurð.

Skortseinkenni geta verið sjúkdómurinn Beriberi sem er sjaldgæfur í þróuðum löndum. Önnur skortseinkenni eru harðlífi, bjúgsöfnun, ofvöxtur í lifur, minnisleysi, maga- og þarmatruflanir, öndunarerfiðleikar, lystarleysi, vöðvarýrnun, þreyta, pirringur og stress, svimi, sársauki, slæm tilfinning fyrir staðsetningu, almennt orkuleysi og þyngdartap.