Túnfífillinn gerir mörgum garðeigendum gramt í geði þar sem hann er álitinn hið versta illgresi og skaðræðisvaldur. Færri vita kannski að hann er mikil og góð lækningajurt og meinhollur.

Upplagt er að tína nýsprottin túnfífilsblöð og nota í salöt. Þegar þau verða stærri eru þau orðin mun beiskari og ekki eins góð. Blöðin eru mjög næringarrík og full af kalíum. Þau eru góð við bjúg þar sem þau eru mjög þvagdrífandi.

Við fengum eftirfarandi fyrirspurn frá henni Guðbjörgu:

Ég finn ekkert inni á síðunni ykkar um Arctic root. Væruð þið til í að skoða þessa jurt frekar og setja e-n fróðleik inn á síðuna.
Takk fyrir frábæran fróðleiksbanka. Kv. Guðbjörg.

Við finnum fyrir miklum áhuga fólks að vita meira um lækningajurtir og þá sérstaklega jurtir sem hægt er að tína hér á landi og nýta.

Það getur verið mjög varasamt að ofelda mat. Við mikla eldun eða háan hita getur mikið magn næringarefna farið forgörðum.

Annað sem ber að forðast og getur jafnvel verið mjög heilsuspillandi er þegar matur brennur hjá okkur. Þetta ber sérstaklega að hafa í huga nú þegar aðal grilltíminn fer í hönd.

Nýleg rannsókn sem gerð var af rannsóknarteymi frá ríkisháskólanum í Ohio, gefur til kynna að máttur svartra hindberja sé mikill og geti þau hjálpað í baráttunni við krabbamein í vélinda og ristli. Niðurstöðurnar voru birtar á alþjóðlegum fundi The American Chemical Society í mars síðastliðnum.

Prófessor Cary Stoner, Ph.D., leiddi rannsóknina, sem gerð var á rottum, sem höfðu verið sýktar með krabbameinsvaldandi efnum. Mælingar voru gerðar á tíðni æxla hjá rottunum og bornar saman niðurstöður. Þær rottur sem fengu safa úr svörtum hindberjum, sýndu 60% fækkun á æxlum í vélinda og allt upp í 80% fækkun á ristilsæxlum.