"Hvað væri sniðugt fyrir mig að gera í staðin fyrir sunnudagssteikina" 
    spurði frænka mín mig um daginn.
"Það er svo ótrúlega margt sem þú getur gert" 
    svaraði ég.
"Sko Solla ég vil fá alveg heila máltíð og uppskriftir en ekki bara einhverjar tillögur" 
    svaraði frænka.

Grænmeti af krossblómaætt svo sem spergilkál, blómkál, næpur, rófur og hvítkál innihalda sérstaklega mikið af efnasamböndum sem styðja við ónæmiskerfi líkamans.

Eitt þessara efnasambanda heitir sulforaphane og er talið vinna gegn krabbameinsvaldandi efnum á margan máta. Það er t.d. talið styrkja lifrina við að hreinsa út ýmis skaðleg efnasambönd og draga úr stökkbreytingum frumna.

Fjöldi fólks tekur fjölvítamín daglega í góðri trú um að með því fái það öll helstu bætiefni sem líkaminn þarfnast. Fjölvítamín er hins vegar ekki endilega það sem allir þurfa að taka inn.

Það hefur nefnilega komið í ljós að mikil neysla ákveðinna vítamína eins og til dæmis fólínsýru, getur jafnvel aukið líkur á krabbameini í endaþarmi, blöðruhálskirtli og brjóstum. Fólínsýra vinnur hins vegar gegn mænuskaða á fósturstigi og þar sem þungaðar konur eru hvattar til að taka hana inn sérstaklega, hefur slíkum tilfellum fækkað mjög.

Pistill frá Sollu

Um daginn sat ég á kaffihúsi með 10 konum, við vorum bara að "tjilla" og rabba. Síðan berst talið að mataræði. Það kom í ljós að flestar þessar konur voru virkilega að spá í mataræðið sitt. Þær lögðu sig fram við að lesa utan á umbúðir, spá í hráefnið, hvað væri nauðsynlegt að hafa lífrænt og ýmislegt fleira.

"Mér finnst að allir ávextir verði að vera lífrænir" sagði ein. "Mér finnst allir ávextir sem maður borðar með hýðinu verða að vera lífrænir, en kannski ekki þeir sem þú hvort sem er afhýðir" sagði önnur. Einni fannst að það ætti að banna að selja kál sem væri ekki rekjanlegt og ósprautað á meðan stöllu hennar fannst að auka yrði úrvalið á káli almennt.