Þegar sól hækkar á lofti og enn er víða snjór á láglendi, þyrstir marga í að komast út og hreyfa sig. Gönguskíði eru frábær kostur því íþróttin er þess eðlis að flestir eiga auðvelt með að stunda hana og er hún frábært fjölskyldusport.

Vissulega er ákveðinn stofnkostnaður við að kaupa sér skíði, skó, bindingar og stafi en búnaðurinn er þó mun ódýrari en svigskíðabúnaður og úreldist seint. Vorin eru oft besti tíminn til að fjárfesta í búnaði því þá eru oft tilboð og útsölur á skíðabúnaði.

Skýrslan sem við höfum verið að fjalla um hér á Heilsubankanum setur fram nokkrar ráðleggingar sem gefast best í forvörnum við krabbameini.

Ráðlegging númer tvö snýr að hreyfingu:

            Leggið stund á hreyfingu sem hluta af daglegu lífi

Margir hlaupa úti allt árið og er það orðið vel mögulegt í dag, þar sem veðurfar hefur breyst mikið og fáir dagar sem koma í veg fyrir útihlaup.

Þeim fjölgar einnig stöðugt sem leggja hlaup fyrir sig og mikill áhugi er fyrir að taka þátt í fjöldahlaupum ýmis konar.

Fyrir þá sem huga að því að byrja á þessari iðju er brýnast að huga að því að fara rólega af stað, fá sér góða hlaupaskó og passa upp á að teygja vel fljótlega í byrjun og eftir æfingar.

Í nýjasta tölublaði Útiveru (4. tbl, 5. árg.) er góð grein, eftir Sigurð V. Smárason, þar sem hann fjallar um mikilvæg atriði sem þarf að huga að hjá fólki sem stundar úthaldsíþróttir.

Hann er þar að skoða hvernig við höldum jafnvægi á vökvabúskapnum og söltum líkamans. Þeim mun lengur sem fólk er undir áreynslu, þeim mun mikilvægara er að huga að því að halda þessu jafnvægi.