Hvað ef öll einkennin sem þú hefur verið að takast á við og mögulega greiningarnar sem þú hefur verið að safna á þig – eru ekki rót vandans?

Hvað ef líkami þinn er ekki „bilaður“, heldur einfaldlega fastur í varnarástandi sem enginn hefur getað sýnt þér hvernig á að komast út úr?

Ég þekki þessa vegferð vel – bæði úr eigin lífi og frá fólkinu sem hefur leitað til mín í gegnum árin.

Við leitum svara hjá læknum, prófum ný lyf, ný bætiefni og nýjar meðferðir. Breytum mataræðinu. Reynum að hreyfa okkur meira. Gerum allt sem okkur er sagt...

En samt erum við enn að elta einkennin hvert á fætur öðru án þess að skilja af hverju þau eru að koma upp og afhverju þeim fjölgar stöðugt.

Og í stað þess að líða betur versnar ástandið hægt og rólega með tímanum.

Líkami þinn hefur verið að reyna að gefa þér merki.

Hann hefur jafnvel verið að kalla á hjálp í langan tíma. Þú hefur gert þitt besta í að leggja við hlustir, en þig hefur skort réttu verkfærin og leiðsögnina til að skilja hvað hann er í raun að reyna að segja.

Sannleikurinn er sá að það er ekki við þig að sakast.

Vandinn er ekki að þú hafir ekki leitað nógu víða eða reynt nógu mikið.

Þú hefur mögulega bara verið að leita að lausninni á röngum stöðum.

Þegar við skiljum ekki hvernig líkaminn bregst við langvarandi álagi og áreiti, höldum við áfram að plástra einkennin í stað þess að vinna með það sem er að skapa ójafnvægið í grunninn.

En hvað gerist þegar við hættum að berjast við hvert einkenni fyrir sig og förum að fókusera á grunnvandann?

Þegar við sköpum líkamanum réttu aðstæðurnar fær hann loksins tækifæri á að byrja að byggja sig upp aftur.

En skoðum þetta frá byrjun.

Þetta byrjar oft á þennan hátt:

Meltingin fer að stríða þér, bólgur og verkir gera vart við sig og þrátt fyrir að þú teljir þig borða hollt fer þyngdin að breytast – upp eða niður. Það er eins og allt sem áður virkaði, virki ekki lengur.

Stundum er fólk enn á þessum stað þegar það staldrar við.

Þú ert enn í fullri vinnu, ferð í ræktina, gengur reglulega og gerir flest það sem þig langar til að gera. Lífið hefur ekki dregist saman að ráði.

En þú hefur fengið fyrstu skýru vísbendinguna um að eitthvað sé að breytast. Kannski nýja sjúkdómsgreiningu, hækkandi blóðþrýsting, breytingar á skjaldkirtli eða önnur merki um að líkaminn sé ekki lengur í sama jafnvægi og áður.

Þá er spurningin:

„Hvað get ég gert til að halda í heilsuna og lífsgæðin sem ég bý yfir?“

Þú þarft ekki að bíða eftir að vandinn verði stærri og meiri.

Hjá öðrum heldur þróunin hins vegar áfram með tímanum.

Þreytan eykst og getur að lokum orðið lamandi. Einfalt verkefni eins og að koma sér út í búð verður yfirþyrmandi. Örstuttur göngutúr getur klárað orkuna. Hjá sumum ykkar verður jafnvel óvinnandi vegur að koma sér út úr húsi.

Og einkennunum heldur áfram að fjölga.

Það sem byrjaði kannski sem meltingaróþægindi, þreyta eða verkir er orðið að miklu stærra verkefni. Fleiri einkenni. Fleiri rannsóknir. Fleiri greiningar. Og hjá mörgum, fleiri lyf í lyfjaskápnum.

Á sama tíma verður lífið smám saman minna, það fer að dragast saman.

Þú upplifir þig jafnvel sem fanga í eigin líkama. Skyndilega eru hlutir sem þú elskaðir áður orðnir erfiðir og krefjast átaks – það að njóta ferðalaga með fjölskyldunni, hitta vinina eða jafnvel sinna einföldum daglegum athöfnum.

Og ráðin sem þú færð endurspegla ekki alltaf það sem þú ert að upplifa og þarft á að halda.

Læknarnir segja þér jafnvel að þú verðir bara að „læra að lifa með þessu“.

Vinirnir segja að þú verðir bara að hreyfa þig meira.

Samstarfskonan segir þér að taka bara ákveðið bætiefni.

En innst inni veistu að það hlýtur að vera önnur leið.

Frásagnir fólks í upphafi námskeiðs, sem náði bata á prógramminu:

Þegar heilsan fer að gefa sig reynum við eðlilega að gera eitthvað í því.

Við leitum til lækna og annarra sérfræðinga, prófum nýjar meðferðir, breytum mataræðinu og reynum að fylgja þeim ráðum sem okkur eru gefin.

Og flest ráðin hljóma fullkomlega rökrétt.

Vandinn er að þau taka ekki endilega mið af því ástandi sem líkaminn þinn er í.

„Þú þarft bara að létta þig.“

Þetta er ráð sem margir fá þegar heilsan er farin að gefa sig og líkamsþyngdin hefur aukist.

En hvað ef aukakílóin eru ekki sjálft vandamálið?

Hvað ef þau eru afleiðing af því sem er að gerast í líkamanum – vegna undirliggjandi ójafnvægis?

Þá er ekki endilega rétta svarið að borða minna – og það getur í raun aukið á vandann.

Við þurfum að hjálpa líkamanum að leiðrétta þetta undirliggjandi ójafnvægi, þannig að hann komist út úr varnarástandi og fari að sleppa tökunum á umfram þyngdinni.

Og ef þú hefur árum saman reynt að ná stjórn á þyngdinni án árangurs, þá er síðasta sem þú þarft að heyra að þetta sé einfaldlega spurning um meiri sjálfsaga!

Það áhugaverða er að margir hafa um leið og þeir vinna prógrammið, losnað við talsverða umframþyngd — án þess að vera í megrun eða hafa þyngdartap sem aðalmarkmið. Kílóunum hefur frekar fækkað sem hreinum bónus þegar fókusinn færist frá því að borða minna yfir í að næra líkamann betur og vinna með það sem er undirliggjandi.

„Borðaðu bara hollt.“

Kannski finnst þér þetta ráð næstum móðgandi.

Því þú ert jafnvel nú þegar að borða frekar hollt.

Þú velur matinn vandlega, reynir að forðast sykur og unnar matvörur og gerir þitt besta til að næra líkamann.

En samt líður þér ekki betur.

Það er nefnilega ekki nóg að „borða bara hollt“.

Sumar meinhollar fæðutegundir geta ýtt undir núverandi ójafnvægi og aukið vandann.

Við þurfum að læra hvaða fæða virkilega nærir okkur og hvaða fæða getur unnið á móti heilun okkar.

„Allt er gott í hófi.“

Þetta er ein af þessum setningum sem fær mig til að spennast upp í pirringi og fá kjánahroll – þó það þurfi yfirleitt mikið til að koma mér úr jafnvægi.

Hvað þýðir þessi setning?

Og þýðir hún það sama fyrir mig og fyrir þig?

Hversu mikið er „í hófi“?

Og er sem sagt allt gott fyrir okkur, svo framarlega sem við borðum ekki of mikið af því?

Hvað með það sem við höfum ofnæmi eða óþol fyrir?

Hvað með það sem vinnur á móti heilun okkar?

Er það samt gott í hófi?

Það er ótrúlega algengt að heyra heilbrigðisstarfsfólk og aðra sérfræðinga grípa í þessa setningu – en ég tel hana allt of oft notaða hugsunarlaust, án mikillar ígrundunar eða jafnvel út frá eigin vanmætti þegar betri lausn er ekki til staðar.

Þetta á að minnsta kosti ekki við þegar líkaminn er kominn í mikið ójafnvægi.

Þá getur lítið magn af óæskilegri fæðu fyrir þitt kerfi, viðhaldið varnarástandi í líkamsstarfseminni og unnið á móti jákvæðri uppbyggingu.

„Þarftu ekki bara að hreyfa þig meira?“

Ferðu í gönguferðir?

Ertu að æfa nóg?

Þarftu ekki bara að koma þér aftur í ræktina?

Vissulega er hreyfing mikilvæg.

En hún leysir ekki allt.

Kannski hreyfir þú þig nú þegar reglulega – ferð í ræktina, gengur, hjólar eða stundar aðra hreyfingu – en ert samt farin(n) að finna fyrir stirðleika, verkjum, minni orku eða öðrum breytingum.

Þá er svarið augljóslega ekki einfaldlega að hreyfa sig meira.

Og ef neikvæð þróun heilsunnar er komin lengra getur aukin hreyfing jafnvel verið of mikið álag sem fyrsta skref.

Sumt fólk með heilsuvandamál pínir sig til að fara í ræktina 3–5 sinnum í viku en vigtin stendur í stað og orkan eykst ekkert.

Ég þekki þetta sjálf.

Þegar ég var sem allra veikust fór ég stundum í 10 mínútna gönguferð með þeim afleiðingum að ég var rúmliggjandi í 1–3 daga á eftir til að jafna mig.

Heilsuhraust manneskja á oft erfitt með að skilja að þegar þú glímir við verki og heilsuleysi þarftu orku til að framkvæma jafnvel einföldustu hluti – eins og að versla í matinn.

Orku sem þú hefur hreinlega ekki.

Þannig að þetta er ekki alltaf svo einfalt að þú þurfir bara að „fara oftar út að ganga“.

Þetta snýst ekki um skort á frumkvæði. Og þetta snýst ekki um leti.

Við þurfum að búa yfir ákveðinni grunnorku til að geta tekist á við aukna hreyfingu og til að hún hafi tilætluð áhrif. Ef sú grunnorka er ekki til staðar getur jafnvel mjög létt hreyfing skilið okkur eftir í verra ástandi en áður en við héldum af stað.

Við þurfum því fyrst að byggja upp þessa grunnorku svo við getum síðar farið að njóta jákvæðra áhrifa hreyfingar – því líkamshreyfing verður okkur mikilvæg á síðari stigum.

En hvað er þá raunverulega að gerast?

Raunveruleikinn er sá að taugakerfið þitt gæti verið þanið til hins ítrasta eða líkami þinn fastur í varnarham af því líkamskerfin eru í svo miklu undirliggjandi ójafnvægi.

Þá getur sáralítið viðbótarálag gert illt verra.

Og þegar þú skilur ekki hvað er að gerast er auðvelt að túlka þetta á annan hátt:

Ég þarf bara að leggja meira á mig.

Ég ætti að vera duglegri.

Ég þarf bara að herða mig.

En það er ekki það sem líkaminn þinn er að kalla eftir. Aukið álag hjálpar líkamanum ekki úr varnarástandi.

Ég skal segja þér eitt:

Þú þjáist ekki af LETI, þig skortir ekki framtakssemi og þú þarft ekki bara að læra að lifa með þessum heilsukvillum sem skerða lífsgæði þín.

Og jafnvel þótt þú sért enn virk(ur) og fær um að gera flest það sem þú vilt, þarftu ekki að bíða eftir að heilsan fari að stjórna lífinu áður en þú tekur fyrstu merkin alvarlega.

Og þú þarft heldur ekki að líta á stirðleika, verki og minnkandi orku sem eitthvað sem þú eigir einfaldlega að sætta þig við með hækkandi aldri.

Fólk á níræðisaldri hefur fengið bætingu á kvillum hjá mér sem þeim hafði verið sagt að væru einfaldlega eðlilegur fylgifiskur hækkandi aldurs.

Öll ráðin sem hefur verið beint til þín og allar tilraunirnar sem hafa ekki skilað þeim árangri sem þú vonaðist eftir geta orðið til þess að þú ferð að rífa sjálfa(n) þig niður fyrir að vera ekki að gera meira.

En þetta er ekki spurning um að reyna meira.

Spurningin er hvort þú sért að byrja á réttum stað – og hvort þú sért að taka réttu skrefin.

Ef líkami þinn er í ójafnvægi þarf fyrst að skapa honum þær aðstæður sem gera honum kleift að byrja að byggja sig upp aftur.

Þess vegna vinnum við í Heilsueflingu Hildar út frá fjórum grunnstoðum:

Líkamskerfin þín þurfa að komast í jafnvægi svo þú getir átt möguleika á að endurheimta heilsuna.

Ég þekki þessa vegferð ekki eingöngu út frá því að ég hef verið að vinna með fólki sem glímir við langvarandi heilsuvanda.

Ég hef verið sjálf í þessum sporum.

Allt mitt líf þurfti ég að takast á við heilsufarsvandamál sem þróuðust stöðugt til verri vegar í gegnum árin.

Ástandið varð á endanum svo slæmt að ég gat einungis verið á fótum í um tvær klukkustundir á dag. Ég var með stöðuga verki og vanlíðan, var algjörlega orkulaus, svaf illa og þjáðist af krónísku mígreni.

Ég hafði safnað á mig hinum ýmsu sjúkdómsgreiningum, meðal annars liðagigt, slitgigt, meltingarsjúkdómum, vefjagigt, krónísku mígreni, lágum blóðþrýstingi, hjartsláttaróreglu og skjaldkirtilsvandamálum, ásamt öðru.

Það var oft dagsverkefni hjá mér þegar ég var sem veikust að fara í sturtu. Sú einfalda athöfn kláraði hreinlega orkubirgðirnar fyrir þann daginn.

Núna fer ég daglega í klukkustunda göngu með hundinn minn hana Lukku. ❤️

Og þetta er ekki lengur bara mín saga

Til dagsins í dag hafa nær því 2000 manns farið í gegnum prógrammið mitt og það gleður mig fátt jafn mikið og að heyra reynslusögurnar sem fólk deilir með mér af breytingunum sem það hefur upplifað.

Þessar sögur hafa kennt mér að staðan sem við erum í í dag þarf ekki að vera endapunkturinn. Við getum breytt framtíðarmyndinni okkar.

Markmið mitt er að hjálpa eins mörgum og ég get að feta sömu braut og breytti lífi mínu til hins betra.

Þannig að þú hafir tækifæri á að byggja upp aukna orku og betri líðan og getir farið að njóta aftur alls þess sem þú elskar að gera.

En þú þarft ekki að gera þetta ein(n)

Ég veit sjálf hversu yfirþyrmandi það getur verið að reyna að finna leiðina til bættrar heilsu þegar orkan er takmörkuð.

Og þess vegna hefur stuðningurinn alltaf verið stór hluti af Heilsueflingu Hildar.

Það er eitt að horfa á fræðslumyndband og skilja hvað á að gera.

Það er allt annað þegar þú stendur svo í eldhúsinu og veist ekki hvað þú átt að borða. Þegar þú ert að fara í matarboð eða ferðalag og veist ekki hvernig þú átt að bera þig að. Þegar líkaminn bregst við á einhvern hátt sem þú áttir ekki von á. Eða þegar þú ert einfaldlega óviss um hver séu næstu skref.

Þá vil ég ekki að þú sitjir ein/n heima og reynir að giska á svarið og finna út úr þessu ein/n.

Þess vegna færðu stuðning og leiðsögn í gegnum allar 16 vikurnar.

Upplýsingar eru ekki vandamálið

Við lifum á tímum þar sem við getum fundið nánast endalausar upplýsingar um heilsu og hvaðeina á netinu.

Þú getur leitað að mataræði, bætiefnum, meltingu, hormónum, streitu, svefni eða hverju öðru sem þér dettur í hug og fengið þúsundir svara á nokkrum sekúndum.

Og það er einmitt hluti af vandamálinu.

Því hvaða ráð eiga við um þig? Og hvernig þurfa þau að vinna saman?

Hvar átt þú að byrja?

Hvað skiptir mestu máli í upphafi?

Hvaða skref eru rétt fyrir þig og þinn líkama?

Og hvernig veistu hvort þú sért yfirhöfuð að færast í rétta átt?

Þetta er einmitt ástæðan fyrir því að Heilsuefling Hildar er ekki bara safn af fræðslumyndböndum.

Heldur fylgir með öflugur stuðningur og utanumhald - við fylgjumst að alla leið.

Þú þarft ekki að standa ein/n í þessu og finna út úr þessu á eigin spítur.

Kannski sástu þig í sögunum hér fyrir ofan. Kannski ekki – vegna þess að þú ert enn fær um að gera flest það sem þig langar til að gera.

En ef breytingar á heilsunni hafa fengið þig til að hugsa:

„Ég vil ekki bíða þar til heilsan tekur meira frá mér,“

þá á Heilsuefling Hildar líka erindi við þig.

Hvort sem þú ert að vinna að því að fá eitthvað aftur eða halda í það sem þú hefur, getur fyrsta skrefið verið það sama.

Ég get auðvitað ekki sagt þér nákvæmlega hvernig þín vegferð verður.

En ég get boðið þér að taka fyrsta skrefið.

Og ég get gengið vegferðina með þér næstu 16 vikurnar.

Þegar þú skráir þig í Heilsueflingu Hildar færðu:

Hvað er heilsa þín mikils virði?

Þegar við hugsum um kostnaðinn við að gera eitthvað fyrir heilsuna horfum við oft fyrst á verðmiðann.

En það er önnur spurning sem mér finnst ekki síður mikilvæg:

Hvað hefur heilsuleysið þegar kostað þig?

Hjá sumum er svarið: „Ekki mjög mikið – ennþá.“

Þá getur fjárfesting í heilsunni snúist um að vernda það sem þú hefur, ekki aðeins að endurheimta það sem þú hefur misst.

Hjá öðrum er kostnaðurinn þegar orðinn mun áþreifanlegri: lyf, læknisheimsóknir, rannsóknir, sjúkraþjálfun, meðferðir og öll þau bætiefni og úrræði sem þú hefur prófað.

En það er líka annar kostnaður sem sést ekki á bankayfirlitinu.

Ferðalagið sem þú treystir þér ekki í.

Dagurinn með fjölskyldunni sem þú hefur ekki orku í.

Gönguferðin sem þú afþakkar.

Vinnan sem þú átt erfitt með að sinna.

Áhugamálið sem þú hefur smám saman hætt að stunda.

Og tíminn sem líður á meðan þú bíður eftir því að eitthvað breytist.

Það er erfitt að setja verðmiða á það.

Þú þarft ekki að vita hvernig öll vegferðin verður til að taka fyrsta skrefið

Þegar ég sjálf ákvað að ég ætlaði ekki lengur að sætta mig við þá heilsu sem ég bjó við vissi ég ekki nákvæmlega hvert sú ákvörðun myndi leiða mig.

Ég vissi bara að ég vildi lífið mitt aftur.

Og ég var tilbúin að gera það sem þurfti til að gefa líkamanum tækifæri til að byggja sig upp aftur.

Sú ákvörðun breytti mínu lífi.

Í dag hefur þú tækifæri á að hefja þessa vegferð með mun meiri stuðningi og leiðsögn en ég hafði.

Þú þarft ekki að leita að öllum svörunum ein(n).

Þú þarft ekki að prófa þig áfram án leiðsagnar.

Þú færð vegvísir til að fylgja – og ég fylgi þér alla leið.

Kannski er þetta augnablikið þar sem þú ákveður að hætta að bíða eftir að hlutirnir breytist af sjálfu sér.

Kannski er þetta augnablikið þar sem þú ákveður að gefa þér og heilsunni þinni og framtíð, næstu 16 vikur.

Og þú getur farið að verða spennt/ur að fá að upplifa þær breytingar sem verða.

Söluskilmálar

Við kaup á námskeiðinu „Heilsuefling Hildar“ samþykkir þú að Heilsubankinn (Hildur Online ehf) lofar engu, né ábyrgist árangur, af þeim ráðleggingum sem gefnar eru í tengslum við námskeiðið. Heilsubankinn veitir fræðslu- og upplýsinga úrræði sem ætluð eru til að hjálpa þátttakendum á námskeiðinu að ná árangri á leið í átt að betri líðan.

Þú samþykkir að endanlegur árangur þinn er afleiðing af eigin viðleitni, þínum sérstöku aðstæðum og óteljandi öðrum þáttum sem Heilsubankinn hefur ekki stjórn og/eða þekkingu á.

Allir vitnisburðir eru raunverulegir. Árangur sem aðrir ná við að fylgja prógramminu sem selt er á þessari vefsíðu tryggir ekki að þú eða einhver annar fáir sambærilegar niðurstöður.

Vafrakökustefna Heilsubankans  |  Persónuverndarstefna Heilsubankans  |  Skilmálar