Ertu tilbúin/n að taka skrefið?
Skráðu þig á framhaldsnámskeið „Heilsuefling Hildar“.
Ertu tilbúin/n að taka skrefið?
Skráðu þig á framhaldsnámskeið „Heilsuefling Hildar“.
Það er ekki komin dagsetning á næsta námskeið, en ef þú skráir þig á biðlistann, þá sendum við þér skilaboð og þú færð tækifæri á að skrá þig um leið og opnað verður fyrir skráningar.
12 vikna námskeiðið er framhaldsnámskeið sem er ætlað þeim sem hafa nú þegar setið grunnnámskeiðið.
Á framhaldsnámskeiðinu fá þátttakendur mun meiri stuðning og aðhald, auk þess sem þeir fá viðbótar fræðslu.
Þetta er það sem fyrrverandi þátttakendur námskeiðsins hafa að segja:
Sigríður Ólöf Hafsteinsdóttir
Eg fór á grunnnámskeið hjá Hildi í september og líkaði það svo vel að ég ákvað að fara á 12 vikna framhaldsnámskeið hjá henni. Þessi námskeið eru alveg frábær hjá henni. Vel skipulögð og gífurleg vinna sem liggur að baki hjá henni til að gera þetta námskeið jafn áhrifaríkt og það er.
Líðanin mín hefur breyst mikið til hins betra og ég búin að læra svo margt sem ég mun nýta mér áfram þó svo að ég muni samt aðlaga það að mínu höfði. Eg hef fengið miklu meiri orku, sofið miklu betur, minnkað mígrenilyf svo um munar. Verkir í líkamanum svo miklu minni og oftast nánast engir. Meltingin svo miklu betri og miklu minni streita.
Það er líka svo frábært hversu djúpt hún fer í allt saman, ekki eingöngu mataræðið heldur líka andlega heilsu og svo margt annað. Eg hvet alla sem eiga við heilsuvandamál að stríða að fara á námskeið hjá Hildi því þetta er eitthvað sem maður getur nýtt sér út ævina. Svo er Hildur svo frábær persóna sem vill öllum vel og er svo hress og skemmtileg.
Finnurðu að þetta námskeið gæti hentað þér?
Um námskeiðið:
Framhaldsnámskeiðið er ætlað þeim sem hafa nú þegar setið grunnnámskeiðið og stendur það yfir í 12 vikur.
Á framhaldsnámskeiðinu fá þátttakendur mun meiri stuðning og aðhald, auk þess sem þeir fá viðbótar fræðslu til að styðja þá til bættrar heilsu og betra lífs.
Tímalengd
Námskeiðið stendur yfir í 12 vikur eða 3 mánuði.
Uppbygging
Aðaltilgangur námskeiðsins er að veita þátttakendum stuðning til að taka skrefin til fulls sem prógrammið byggist á og styðja við fólk svo það megi ná markmiðum sínum um betri líðan, aukna orku og bætta heilsu.
Lögð er inn fræðsla í hverri viku um hvaða leiðir eru til að styðja við heilunina og dýpka hana.
Hóptímar
Stuðningurinn á námskeiðinu felst helst í því að unnið er saman í hóptímum þar sem þátttakendur eru leiddir áfram í sinni vinnu. Hóptímarnir eru aðra hverja viku. Í þessum hóptímum fær hver einstaklingur tíma til að fara yfir stöðu sína og skoða hvað hann er að takast á við í hvert skipti.
Samfélagið
Samfélagið Þátttakendur fá jafnframt aðgang að Facebook hópi með öllum þátttakendum á námskeiðinu. Þar geta þátttakendur stutt hvern annan, deilt bæði reynslu, hugmyndum og uppskriftum og leitað ráða hjá hverjum öðrum.
Fyrir í Facebook hópnum eru þeir sem hafa verið að vinna prógrammið lengur og er mikið magn fróðleiks að finna inni í hópnum og mikil þekking og reynsla sem eldri meðlimir búa yfir.
Spurningar og svör
Í lok hverrar viku er hægt að pósta inn spurningum sem er svarað í beinni útsendingu inni í Facebook hópnum í upphafi næstu viku.
Aðrar viðbætur
Einkatími
Í upphafi námskeiðs fá þátttakendur einkatíma þar sem farið er yfir hvar fólk er statt, hvert það vilji stefna og hvað það er að takast á við.
Námskeiðsdagur
Í lok námskeiðsins verður námskeiðsdagur. Þar verða lagðar línurnar fyrir áframhaldið, sett ný markmið og þátttakendur hittast og fræðast saman.
Um Hildi:
Ég er hamingjusöm kona á miðjum aldri, búsett í Kjósinni ásamt eiginmanni mínum. Saman eigum við 4 börn og tvö barnabörn. Það skemmtilegasta sem ég veit er að vera amma! Og ég fagna því innilega og þakka fyrir það á hverjum degi, að hafa heilsu til að geta sinnt þessum litlu gullmolum mínum.
Í Kjósinni ræktum við nánast allt okkar grænmeti, mestan hluta ársins í dásamlegu gróðurhúsi sem maðurinn minn byggði. Ég vinn líka heiman frá mér, en það er yndislegt að njóta fjallasýninnar út um skrifstofugluggann minn.
Ég ferðast mikið í tengslum við vinnu og eins mér til ánægju og hef ég væntanlega komið til um 50 landa. Það hentar mér því einstaklega vel að vera með alla starfsemina mína á netinu.
Ég er með bakgrunn úr viðskipta- og sálfræði og áratuga reynslu af því að afla mér þekkingar og leita leiða til að bæta heilsu, líðan og líf í gegnum jákvæðar lífsstílsbreytingar.
Ég hlakka til að fylgja þér eftir á næstu vikum ❤️
Heilsusaga Hildar:
Allt mitt líf hef ég þurft að takast á við mikil heilsufarsvandamál sem hafa stöðugt þróast til verri vegar í gegnum árin. Fyrir örfáum árum síðan var ástand mitt orðið svo slæmt að ég gat eingöngu staðið upprétt í um 2 klukkustundir á dag. Ég var með stöðuga verki, enga orku, svaf illa og þjáðist af langvarandi mígreni.
Ég hef verið að safna á mig sjúkdómsgreiningum allt mitt líf, þ.m.t. er liðagigt, slitgigt, meltingarsjúkdómar, vefjagigt, krónískt mígreni, lágur blóðþrýstingur, skjaldkirtilssjúkdómur og svona má lengi telja.
Fyrir um 3 árum fékk ég nóg. Ég neitaði að vera fórnarlamb “ólæknandi” sjúkdóma og sór þess eið að finna leið til að öðlast aftur líf mitt.
6 mánuðum síðar var ég laus við öll lyf og laus við nær öll einkennin sem höfðu stjórnað lífi mínu fram að því.
Markmið mitt er að aðstoða eins marga og ég get að feta sömu braut og ég hef farið og vonandi hjálpa þeim að ná sambærilegum árangri og ég hef náð.
Ef þið eruð ekki viss um hvort framhaldsnámskeiðið henti ykkur eða hvort þetta sé rétti tíminn fyrir ykkur, þá getið þið fengið stutt símtal frá Hildi þar sem hún mun hjálpa ykkur við að meta ykkar stöðu. Sendið okkur bara línu og látið okkur vita að þið óskið eftir að heyra frá Hildi: info@heilsubankinn.is
